შესაძლებელია FRAX ® ცხრილების ინდივიდუალურად ჩამოტვირთვა, ამობეჭდვა და ფოტოკოპირება მცირე რაოდენობით, მხოლოდ არაკომერციული სამედიცინო/კლინიკური/ საგანმანათლებლო მიზნებით. შეფილდის უნივერსიტეტის ძვლის მეტაბოლურ დაავადებათა ცენტრთან წინასწარი შეთანხმების გარეშე FRAX ცხრილების გამოყენება კომერციული მიზნით აკძალულია და მიიჩნევა საავტორო უფლებების დარღვევად. გაუგზავნეთ Laurence Triouleyre-ს (LTriouleyre@iofbonehealth.org) ელექტრონული ფოსტით ინფორმაცია რა მიზნით აპირებთ მათ გამოყენებას და ასევე თქვენი საკონტაქტო ინფორმაცია. FRAX ® ცხრილები გვიჩვენებს გამოსაკვლევი პირის მოტეხილობის ალბათობას რისკ-ფაქტორების რიცხვის მიხედვით. ხელმისაწვდომია შემდეგი ცხრილები:
შეგიძლიათ შეარჩიოთ ცხრილები, რომლებშიც მოცემულია მოტეხილობის ალბათობა სხეულის მასის ინდექსის ან ბარძაყის ყელის ძმს T - კრიტერიუმის მიხედვით. გაითვალისწინეთ, რომ როდესაც ცნობილია ორივე მაჩვენებელი - სმი და ძმს, რისკის შესაფასებლად უმჯობესია ძმს-ის გამოყენება. როდესაც გამოიყენება ცხრილები ძმს-ით, მეორადი ოსტეოპოროზის გამომწვევი მიზეზებიდან მხედველობაში მიიღება მხოლოდ რევმატოიდული ართრიტი. იმ ცხრილების გამოყენებისას, რომლებიც გვიჩვენებს მოტეხილობის ალბათობას სმი-ს მიხედვით, მხედველობაში მიიღება მეორადი ოსტეოპოროზის გამომწვევი ნებისმიერი მიზეზი.
ქვემოთ მოცემულ მაგალითში ნაჩვენებია ძირითადი ოსტეოპოროზული მოტეხილობის 10 წლიანი ალბათობა დიდი ბრიტანეთის 65 წლის ქალებისთვის კლინიკური რისკ-ფაქტორების (კრფ) რიცხვის და ძმს-ის T- კრიტერიუმის მიხედვით.
Table ოსტეოპოროზული მოტეხილობების 10 წლიანი ალბათობა (%) ბარძაყის ყელის ძმს-ის T - კრიტერიუმის მიხედვით 65 წლის ასაკის ქალებში დიდი ბრიტანეთიდან.
ამგვარად, 65 წლის ქალისათვის კლინიკური რისკ-ფაქტორების გარეშე, რომელსაც აქვს T - კრიტერიუმი -2SD მოტეხილობის ალბათობა არის 9.7%. 2 კლინიკური რისკ-ფაქტორის შემთხვევაში ალბათობა იზრდება 20%-მდე. გაითვალისწინეთ, რომ ცვალებადობის დიაპაზონი მოცემულია (13-29% ამ მაგალითში). ეს არ არის სარწმუნოების ინტერვალი. ცვალებადობის დიაპაზონი ჩნდება, იმის გამო, რომ სხვადასხვა რისკ-ფაქტორს სხვადასხვა ხვედრითი წონა აქვს. მაგალითად, თამბაქოს მოხმარება და ალკოჰოლის ჭარბი მოხმარება შედარებით სუსტი რისკ-ფაქტორებია, წინამორბედი მოტეხილობა და ბარძაყის მოტეხილობის ოჯახური ანამნეზი კი - მძლავრი რისკ-ფაქტორები. ამდენად, სუსტი რისკ-ფაქტორების მქონე პაციენტებისათვის მოტეხილობის ალბათობა უახლოვდება ცვალებადობის ინტერვალის ქვედა ზღვარს (ე.ი. 13%).
თუ ძმს ცნობილი არ არის, შესაძლებელია სმი-ს გამოყენება. მაგალითად, ქვემოთ მოცემულია ძირითადი ოსტეოპოროზული მოტეხილობის რისკი 65 წლის ქალებში დიდი ბრიტანეთიდან კლინიკური რისკ-ფაქტორების რიცხვის მიხედვით.
Table ოსტეოპოროზული მოტეხილობების 10 წლიანი რისკი (%) სხეულის მასის ინდექსის (სმი) მიხედვით დიდ ბრიტანეთის 65 წლის ქალებში.
